გერმანიის თავდაცვის მინისტრის ბორის პისტორიუსი აცხადებს, რომ გერმანიას უკრაინისთვის Patriot-ის სისტემების გადაცემა აღარ შეუძლია. აღნიშნულის შესახებ გერმანული მედია წერს.
როგორც პისტორიუსმა აღნიშნა, გერმანიამ უკრაინას უკვე გადასცა რამდენიმე „პატრიოტის“ სისტემა და რაკეტების გარკვეული რაოდენობა.
„ყველაფრის ამჟამად შევსება არ შეგვიძლია, რასაც ახლა გავცემთ. ეს ჩვენს თავდაცვაში პრობლემას წარმოქმნის, რაზეც პასუხისმგებლობას ვერ ავიღებთ. ამჟამად, მეტის გაკეთება არ შეგვიძლია“, – განაცხადა პისტორიუსმა.
მინისტრის თქმით, ამ საკითხში სხვა სახელმწიფოებმა ახლა უფრო დიდი პასუხისმგებლობა უნდა აიღონ.
„მოკავშირეები უკრაინისთვის Patriot-ის სისტემების გადაცემის საკითხს 17 ნოემბერს დაგეგმილ უკრაინის საკონტაქტო ჯგუფის („რამშტაინი“) შეხვედრაზე განიხილავენ“, – დასძინა პისტორიუსმა.