ჩინეთის საერთაშორისო იმპორტის გამოფენამ (CIIE) შანხაიში ქართული ეკონომიკური დიპლომატიის კოლოსალური წარმატება და ადგილობრივი ბიზნესის უმაღლესი კონკურენტუნარიანობა დაადასტურა, – აცხადებს “ხალხის ძალის” წევრი დავით ქართველიშვილი და ჩინეთის საერთაშორისო იმპორტის გამოფენაზე ქართული პავილიონის წარმატებას სპეციალურ პოსტს უძღვნის.
როგორც დავით ქართველიშვილი წელს, ეს შთამბეჭდავი შედეგი შემთხვევითობა არ არის – ეს მოქმედი ხელისუფლების თანმიმდევრული და ზუსტად გათვლილი ეკონომიკური პოლიტიკის ლოგიკური შედეგია.
“საქართველოს ეროვნულ პავილიონთან შთამბეჭდავი რიგები დადგა: 37 კომპანია, რომლებმაც ქვეყანა ეკონომიკისა და მდგრადი განვითარების სამინისტროსა და ინვესტიციების სააგენტოს მძლავრი ორგანიზაციული და ფინანსური მხარდაჭერით წარადგინეს, აზიური ბაზრის ყურადღების ცენტრში მოექცა. ჩინელი დისტრიბუტორები და რიგითი დამთვალიერებლები უპრეცედენტო ინტერესს იჩენენ უნიკალური პროდუქციის მიმართ – ავთენტური ქართული ღვინოებიდან და ორგანული აგროპროდუქტებიდან დაწყებული, ინოვაციური სერვისებით დამთავრებული.
ეს შთამბეჭდავი შედეგი შემთხვევითობა არ არის – ეს მოქმედი ხელისუფლების თანმიმდევრული და ზუსტად გათვლილი ეკონომიკური პოლიტიკის ლოგიკური შედეგია. საკვანძო მსოფლიო მოედნებზე ქართული ბრენდების სტრატეგიულმა პოზიციონირებამ, ექსპორტის ახალი ვექტორების აქტიურმა ძიებამ და მასშტაბურმა სახელმწიფო თანადაფინანსებამ ეროვნული პროდუქტის ცნობადობა თვისებრივად ახალ დონეზე აიყვანა.
განხორციელებულ მიზანმიმართულ ღონისძიებათა კომპლექსმა და ორგანიზებულმა საქმიანმა შეხვედრებმა შანხაიში – მყარი საფუძველი ჩაუყარა ჩინეთის დინამიკურ ეკონომიკაში ქართული ბიზნესის ღრმა ინტეგრაციას.
CIIE-გამოფენაზე არსებული აჟიოტაჟი თვალსაჩინოდ ადასტურებს: ჩინეთის ინტერესი საქართველოს მიმართ გაცნობითი ხასიათიდან – მასშტაბურ გრძელვადიან ტრენდში გადადის.
თავისუფალი ვაჭრობის გაძლიერება და მილიარდ-ნახევრიანი ბაზრის მხრიდან მზარდი მოთხოვნა ქართველ ექსპორტიორებს კოლოსალურ ჰორიზონტებს უხსნის. ის ფაქტი, რომ ქართული პავილიონი შანხაის ექსპო-ფორუმის ერთ-ერთ მთავარ მიზიდულობის ცენტრად იქცა, ამტკიცებს – საექსპორტო საზღვრების გაფართოების სტრატეგია უნაკლოდ მუშაობს და მთლიანი ეროვნული ეკონომიკის მდგრად ზრდას უზრუნველყოფს.
ყველაფერი, რასაც საქართველოში, მისი მთავრობის მუშაობაში, მისი ეკონომიკის მიღწევებში ჯიუტად ვერ ამჩნევს ბრიუსელი, ევროკომისია, ევროპარლამენტი – ყურადღების გარეშე არ რჩება მსოფლიო გეოეკონომიკის “მეტრებს”, რომლებსაც შეუძლიათ გაარჩიონ სიკეთე ბოროტებისგან, წარმატება მარცხისგან, სამართლიანობა უსამართლობისგან”, – წერს სოციალურ ქსელში დავით ქართველიშვილი.