თბილისში, შეყვარებულზე განაწყენებული გოგონას დაქალმა შსს-ში დარეკა და განაცხადა, რომ მისი დაქალი მტკვარში გადახტა.
22 წლის გოგონას ძებნის სამუშაოებში შს სამინისტროს შესაბამისი სამსახური და მაშველები კატერებითაც ჩაერთვნენ.
ორდღიანი ძებნის შემდეგ, პოლიციელებმა ის ახლობლის სახლში საღ-სალამათი იპოვეს”, – განუცხადეს “კვირას” შსს-ს პრესსამსახურში.
როგორც გაირკვა, გოგონამ სუიციდის ინსცენირება მოაწყო, რადგან შეყვარებულზე ნაწყენი იყო. მან თავის დაქალს შსს-ში დარეკვა და იმის თქმა სთხოვა, რომ ის მტკვარში ჩახტა.
გოგოს ძებნა სამშაბათს საღამოს დაიწყო.
აღსანიშნავია, რომ მსგავს შემთხვევაში კანონმდებლობით სისხლის სამართლის საქმე არ აღიძრება და სამართალდამცველებთან გასაუბრების შემდეგ მას სახლში გაუშვებენ.
კომენტარები