უკრაინის უშიშროების სამსახური უარყოფს გავრცელებულ ინფორმაციას, თითქოს სამსახური მიხეილ სააკაშვილს უთვალთვალებს. ამის შესახებ უწყების „ფეისბუქის“ ოფიციალურ გვერდზე გამოქვეყნებულ განცხადებაშია ნათქვამი.
უკრაინის უშიშროების სამსახური უსაფუძვლოდ მიიჩნევს საქართველოს ყოფილი პრეზიდენტის, მიხეილ სააკაშვილის მხრიდან გამოთქმულ ბრალდებებს, თითქოს მას სპეცსამსახურების თანამშრომლები უთვალთვალებენ და უსმენენ.
„უკრაინის უშიშროების სამსახური მუშაობს უკრაინის კანონმდებლობის სრული დაცვით და არ ახორციელებს მსგავს პროცესუალურ ქმედებებს სასამართლოს ნებართვის გარეშე, მიუხედავად იმისა, თუ რა სტატუსი აქვთ დღეს ამა თუ იმ ადამიანებს“, – განაცხადეს უწყებაში.
კომენტარები