რუსი ოპოზიციონერი ალექსეი ნავალნი კვლავ პოლიციის განყოფილებაში იმყოფება, არანაირი ბრალდება მისთვის ჯერ არ წაუყენებიათ, – ამის შესახებ ნავალნი „ტვიტერის“ საკუთარ მიკრობლოგში წერს.
„უკვე სამი საათია, რაც პოლიციაში ვარ. არც ოქმები, არც განმარტებები, თუ რატომ დამაკავეს. ვზივარ სააქტო დარბაზში და პუტინის პორტრეტს ვუყურებ. იქნებ ამაშია მთელი აზრი“, – წერს ნავალნი.
რუსი ოპოზიციონერი დღეს დილით საკუთარ სახლთან დააკავეს.
რუსეთის შსს-ს მთავარი სამმართველოს ინფორმაციით, ნავალნი მომხრეებს არასანქცირებულ საჯარო ღონისძიებაში მონაწილეობისკენ მოუწოდებდა.
კომენტარები