იტალიური მედიის ცნობით, ქვეყნის რამდენიმე ქალაქში საპატრულო პოლიციის მიერ ჩატარებული რეიდების დროს საქართველოს ორი მოქალაქე დააკავეს. ინფორმაციას 1tv ავრცელებს.
ერთ-ერთი მათგანი 1991 წელს დაბადებული მამაკაცია, რომელიც სატვირთო ავტომობილს მართავდა. მას თან ყალბი მართვის მოწმობა აღმოაჩნდა. კიდევ ერთი ყალბი დოკუმენტი პოტრემოლის პოლიციის განყოფილების თანამშრომლებმა აღმოაჩინეს. ამ შემთხვევაშიც დამნაშავე საქართველოს მოქალაქე იყო, რომელიც სარდინიაში დარეგისტრირებული სატრანსპორტო კომპანიის თანამშრომლად იყო გაფორმებული. ამ შემთხვევაში, საპატრულო პოლიციამ ფალსიფიცირებული დოკუმენტის გამოვლენა მხოლოდ ულტრაიისფერი სხივებით შემოწმების შემდეგ შეძლო.
აღნიშნული პირს პირადობის დამადასტურებელი დოკუმენტის ფალსიფიკაცია დასდეს ბრალად. დამნაშავეს 5000 ევროს ოდენობით ჯარიმის გადახდა მოუწევს. ამასთან, იტალიის ქალაქ პრატოში კარაბინიერებმა მობილური ტელეფონის მოპარვაში ბრალდებული ქართველი დააკავეს.
როგორც იტალიური მედია იუწყება, იტალიის ტერიტორიაზე არალეგალურად მყოფმა 30 წლის მამაკაცმა მაღაზიის ვიტრინა ჩაამსხვრია და 200 ევროს ღირებულების მობილური ტელეფონი მოიპარა. კარაბინიერებამ ის მალევე აიყვანეს.