საქართველოს ყოფილი პრეზიდენტის მიხეილ სააკაშვილის მტკიცებით, უკრაინის სახელმწიფო საიმიგრაციო სამსახურმა პოლიტიკურ თავშესაფარზე უარი უთხრა.
კიევში გამართულ პრესკონფერენციაზე მიხეილ სააკაშვილმა აღნიშნა, რომ უკრაინის სახელმწიფო საიმიგრაციო სამსახურში უარს ამბობენ რეაგირება მოახდინონ მის მოთხოვნაზე და ვადები, რომლის ფარგლებში რეაგირება უნდა მოეხდინათ, უკვე ამოწურულია.
მისი თქმით, სასამართლოში შესატანად სარჩელს ამზადებს, რათა აღადგინოს უკრაინის მოქალაქეობა, რომელიც მას უკრაინის პრეზიდენტმა პეტრო პოროშენკომ ჩამოართვა.
სააკაშვილმა დამატებითი დაცვის შესახებ მოთხოვნით საიმიგრაციო სამსახურს უკრაინაში დაბრუნების შემდეგ მიმართა. როგორც მისმა ადვოკატმა მარკიან გალაბალამ განმარტა, „მოქალაქესთვის დამატებითი დაცვისა და პოლიტიკური თავშესაფრის მიცემა არსობრივად ერთი და იგივეა“.