იმედი მაქვს, ეს გაუგებრობა ჩვენს ურთიერთობას არ გააფუჭებს – ლიზა ვადაჭკორია ინგა გრიგოლიას ბოდიშს უხდის

ტელეწამყვანი ლიზა ვადაჭკორია ინგა გრიგოლიას ბოდიშს უხდის.
“გუშინ აშკარად არ იყო ჩემი დღე 🙁 უნებლიედ ორ ადამიანს ვაწყენინე… 
გადაცემა X ზონა პირდაპირ ეთერში გადის, ამიტომ ძნელია ყველაფრის გათვლა და წინასწარ დაგეგმვა.
ერთი ადამიანი ინგა გრიგოლიაა. ჩართვაზე ადვოკატი ირაკლი ზაქარეიშვილი მყავდა, რომელიც ცნობილია თავისი კრიტიკული და ღვარძლიანი პოსტებით, ძირითადად ცნობად სახეებს ესხმის თავს.
დათო ქაცარავასთან აქვს კონფლიქტი და დათომაც საკადრისი პასუხი გასცა. ზაქარეიშვილის ერთერთი არაკორექტული პოსტი ინგა გრიგოლიას შვილის ქორწილსაც ეხებოდა, რაზეც მივუთითე და ისიც შევთავაზე, დათოსთვის ბოდიში მოეხადა. ეს არ იყო დაგეგმილი, უბრალოდ საუბარმა მოიტანა, პირდაპირ ეთერში ძნელია გათვალო სად წაგიყვანს რესპონდენტი.
ამით ვაწყენინე ინგას. მიუხედავდ იმისა, რომ ალბათ მიჩვეულია, რომ მასზე და მის ოჯახზე ბევრს წერენ და ლაპარაკობენ, მაინც მტკივნეულად მიიღო ადვოკატის გამოჩენა ჩემს ეთერში, რისთვისაც პირადად მე ვუხდი ბოდიშს.
ორივეს, მამუკას და ინგასაც, დიდ პატივს ვცემ და იმედი მაქვს, ეს გაუგებრობა ჩვენს ურთიერთობას არ გააფუჭებს”, – წერს ლიზა ვადაჭკორია ფეისბუქის საკუთარ გვერდზე.