“ხმა მივეცი ისეთ ქალაქს, სადაც მარტო არავინ იქნება მიტოვებული თავის გაჭირვებასთან”

ხმა მივეცი ჯანსაღ ქალაქს. ისეთ ქალაქს, სადაც მარტო არავინ იქნება მიტოვებული თავის გაჭირვებასთან, – ამის შესახებ შრომის, ჯანმრთელობისა და სოციალური დაცვის მინისტრი დავით სერგეენკომ განაცხადა, რომელმაც საბურთალოს ოლქის მე-7 საარჩევნო უბანზე  საკუთარი პოზიცია დააფიქსირა.

„დღეს ხმა მივეცი ჯანსაღ ქალაქს. ისეთ ქალაქს, სადაც მარტო არავინ იქნება მიტოვებული თავის გაჭირვებასთან; ხმა მივეცი უსაფრთხო ქალაქს, სადაც დაცული იქნება: ეკოლოგია, სოციალური მდგომარეობა, ჯანმრთელობის უფლება და ხმა მივეცი ქალაქს, რომელიც იქნება განვითარებისკენ მიმართული“, – აღნიშნა დავით სერგეენკომ.