აშშ-ის პრეზიდენტმა დონალდ ტრამპმა ხელი მოაწერა განკარგულებას, რომლის თანახმადაც ქვეყანაში ლტოლვილების მიღება განახლდება. ინფორმაციას თეთრი სახლი ავრცელებს.
განცხადებაში აღნიშნულია, რომ 24 ოქტომბერს ლტოლვილთა მიღების 120-დღიანი აკრძალვის ვადა ამოიწურა.
მიუხედავად განკარგულებისა, დამატებითი შეზღუდვები იქნება ზოგიერთი ქვეყნის მოქალაქეების მიმართ, რომელიც 90 დღის განმავლობაში იმოქმედებს.
მანამდე ადმინისტრაციის წარმომადგენელმა ჟურნალისტებს განუცხადა, რომ შეზღუდვები 11 ქვეყნის წარმომადგენლებს შეეხებოდათ, თუმცა ქვეყნები არ დაუკონკრეტებია. ამ ქვეყნების წარმომადგენლები აშშ-ში, მომავალი 3 თვის განმავლობაში მხოლოდ ცალკეულ შემთხვევებში შევლენ.
აშშ-ის სახელმწიფო დეპარტამენტის ცნობით, ლტოლვილთა ოჯახის წევრები დამატებით შემოწმებას გაივლიან.
აშშ-ის პრეზიდენტმა საიმიგრაციო პოლიტიკა გაამკაცრა, რომლის ფარგლებში ქვეყანაში შვიდი მუსლიმანური ქვეყნის მოქალაქეების აშშ-ში შეშვება დროებით, 120 დღით აიკრძალა.