ანტალიაში სპეცოპერაციის შედეგად ოთხი პირი დააკავეს, რომლებიც დანაშაულებრივი გზით ქალების პროსტიტუციაში ჩაბმით იყვნენ დაკავებულნი. ამის შესახებ თურქული მედია იუწყება.
შესაბამისმა უწყებებმა მუშაობა დაიწყეს მიღებულ ინფორმაციაზე, რომ თურქეთში ჩაყვანილი უცხოელები პროსტიტუციაში იყვნენ ჩართულნი. ქალებს დაპირდნენ, რომ ისინი ფულს იშოვიდნენ. დანაშაულებრივ სქემაში ჩართული იყო ქართველი ქალი, მისი თურქი მეუღლე, თურქეთის კიდევ ერთი მოქალაქე და უკრაინელი ქალი.
აღნიშნული ჯგუფის მიერ პროსტიტუციაში ჩაბმული იყო უკრაინის ოთხი, საქართველოს ორი, ყაზახეთის ორი და მოლდოვისა და ყირგიზეთის თითო მოქალაქე.
როგორც თურქული მედია იუწყება, დაკავებული ქართველი ქალი თურქეთში პროსტიტუციის მიზნით 12 წლის წინ ჩავიდა, შემდეგ ცოლად გაყვა თურქეთის მოქალაქეს და პროსტიტუციაში სხვა ქალების ჩაბმაზე მუშაობდა.