რუსეთის დედაქალაქის კინოთეატრების აფეთქების საფრთხის გამო, ხალხის ევაკუაცია მიმდინარეობს. ერთი დღის განმავლობაში, უკვე მოხდა 7 კინოთეატრიდან ხალხის ევაკუაცია.
რუსული მედიის ცნობით, ამ ეტაპზე კიდევ 2 კინოთეატრიდან ხდება ადამიანების ევაკუაცია . ადგილზე იმყოფებიან სამართალდამცველები, რომლებიც დაწესებულებების შემოწმებას ძაღლებისა და სპეციალური ხელსაწყოების საშუალებით ახორციელებენ.
რუსეთში სატელეფონო ტერორიზმი 11 სექტემბრიდან დაიწყო. ანონიმი პირი რეკავს ამა თუ იმ უწყებასა თუ დაწესებულებაში და ნაღმის არსებობის შესახებ აფრთხილებს. სატელეფონო ტერორიზმის გამო, რუსეთის მთელ ტერიტორიაზე უკვე მოხდა მილიონზე მეტი ადამიანის ევაკუაცია.
კომენტარები