ესპანეთის გენერალური პროკურატურა კატალონიის მთავრობისა და პარლამენტის წევრების წინააღმდეგ ამბოხების ბრალდებით ორშაბათს სარჩელს შეიტანს. ამის შესახებ ესპანეთის გენერალური პროკურატურის წარმომადგენელმა განაცხადა.
აღნიშნული სარჩელი ესპანეთის უზენაეს სასამართლოში იქნება შეტანილი. ამბოხების მუხლი მაქსიმალურ სასჯელს, 30 წლით პატიმრობას ითვალისწინებს.
დღეს კატალონიის პარლამენტმა კენჭი უყარა კატალონიის დამოუკიდებლობის შესახებ დეკლარაციას. კატალონიის დამოუკიდებლობას კატალონიის პარლამენტის 70 წევრმა დაუჭირა მხარი, ხოლო 10 წევრი წინააღმდეგ წავიდა.
დღესვე ესპანეთის სენატმა ესპანეთის მთავრობის ინიციატივა კონსტიტუციის 155-ე მუხლის ამოქმედებაზე დაამტკიცა, რაც კატალონიისთვის ავტონომიის დროებით შეჩერებას ითვალისწინებს.
კომენტარები