სამხედრო პოლიციის ყოფილი უფროსის უკრაინელი ადვოკატის მიხეილ ლოტიცკის ინფორმაციით, ამ ეტაპზე მეგის ქარდავას საქართველოსთვის გადმოცემის საკითხი არ განიხილება. როგორც ადვოკატმა “კურიერთან” საუბრისას განაცხადა, უკრაინულ სამართალდამცავ უწყებებს ჯერ ისიც კი არ აქვთ დადგენილი, არის თუ არა დაკავებული პირი ნამდვილად მეგის ქარდავა, ვინაიდან მას დაკავებისას არც ერთი პირადობის მაიდენტიფიცირებელი დოკუმენტი არ ჰქონია.
„ჯერჯერობით პოლიტიკური თავშესაფრის მოთხოვნაზე არ გვისაუბრია. ის იმყოფება წინასწარი დაკავების იზოლატორში ქალაქ ივანო ფრანკოვსკში. მისი დაკავების 2 ვერსია მაქვს. ოფიციალური ვერსიით, მის საცხოვრებელ ბინაში ჩხრეკა ჩატარდა, არაოფიციალურად კი ის საზღვრის კვეთის დროს დააკავეს, შემდეგ მიიყვანეს ბინაში და ისე დააკავეს. ის, რომ მას რამდეიმე პასპორტი ჰქონდა, ტყუილია. არანაირი საბუთი არ ჰქონია საერთოდ. ექსტრადიციაზე საუბარი ჯერჯერობით არ მიდის. ეს იქნება მხოლო მას შემდეგ განხილული, რაც საქართველოდან იქნება საბუთები გამოგზავნილი. ახლა მხოლოდ საუბარია მის პატიმრობაზე, რათა ის არ მიიმალოს. ის თუ რას აკეთებდა საქართველოში, ამაზე არ გვისაუბრია, უკრაინაში კი უბრალოდ ცხოვრობდა და არაფერს არღვევდა,“- განაცხადა ადვოკატმა, მიხეილ ლოტიცკიმ.