შინაგან საქმეთა სამინისტროს დაცვის პოლიციის დეპარტამენტის თანამშრომლებმა, ლეიკემიით დაავადებული ბავშვების დასახმარებლად, სისხლის უანგარო დონაციის აქციაში მიიღეს მონაწილეობა.
აქციის ფარგლებში, „სისხლის ბანკში“ სისხლი დაცვის პოლიციის 150-მდე თანამშრომელმა ჩააბარა.
აქციის მიზანია მ.იაშვილის სახელობის ბავშვთა რესპუბლიკური საავადმყოფოს პაციენტებისა და „სისხლის ბანკისთვის“ კრიზისული სიტუაციების დაძლევაში დახმარება.
აქციის – „გადაეცი სიცოცხლის უფლება – გაიღე სისხლი!“ ფარგლებში, ბოლო წლებში შსს-ს დაცვის პოლიციის ათასამდე თანამშრომელი უანგარო დონორი გახდა. საქველმოქმედო აქციაში მონაწილეობას დაცვის პოლიციელები მომავალშიც აქტიურად გააგრძელებენ.
კომენტარები