გიორგი როყვა მისი გატაცების შესახებ გავრცელებულ ინფორმაციებს უარყოფს. როგორც როყვამ ოზურგეთის რაიონული პოლიციის შენობის დატოვების შემდეგ განაცხადა, ის ბოლო ორი დღის განმავლობაში მეგობრებთან ერთად, ქალაქგარეთ იმყოფებოდა. გიორგი როყვა, ასევე უარყოფს ინფორმაციას, რომ მან, ოზურგეთის მერობის დამოუკიდებელი კანდიდატის შტაბის ხელმძღვანელს მასზე განხორციელებული ზეწოლისა და მუქარის შესახებ მოკლეტექსტური შეტყობინება გაუგზავნა.
ჟურნალისტებთან საუბრისას გიორგი როყვამ აღნიშნა, რომ ის პარტია ”ევროპულ საქართველოს” წარმოადგენს და ოზურგეთის მერობის დამოუკიდებელი კანდიდატის, კოტე შარაშენიძის შტაბთან შემხებლობაში არ არის.
”ქალაქგარეთ ვიყავი გასული მეგობრებთან ერთად. გავრცელებული ინფორმაცია გატაცებასთან დაკავშირებით, მსგავს ფაქტს ადგილი არ ჰქონია. შველა არავისგან და არაფრისგან მჭირდებოდა. მე არჩევნებზე კენჭს ვიყრიდი ”ევროპული საქართველოდან”, ასე რომ, არც ერთი სხვა პარტიის წარმომადგენელი არ გახლავართ”, – განაცხადა გიორგი როყვამ.