ვაპირებ სწავლის გაგრძელებას, – ამის შესახებ განათლების უკვე ყოფილმა მინისტრმა ალექსანდრე ჯეჯელავამ ჟურნალისტებს განუცხადა.
”რაც შეეხება ჩემს საქმიანობას, იქნება იგივე, რაც მინისტრობამდე – ვაპირებ სასწავლო საქმიანობის გაგრძელებას. ვასწავლიდი რამდენიმე უნივერსიტეტში და ვატარებდი ტრეინინგებს, არასამთავრობო და კერძო სექტორში ვმუშაობდი. გარდა ამისა, ვაპირებ სწავლის გაგრძელებას. 2017 წელს ამერიკის შეერთებულ შტატებში სადოქტოროს გასაგრძელებლად ვიყავი მომზადებული, ამ გეგმამ დროში ცოტა გადაიწია, თუმცა, ვაპირებ ჩავაბარო და აშშ-ში წავიდე სადოქტოროს გასაგრძელებლად”, – განაცხადა ალექსანდრე ჯეჯელავამ.
კომენტარები