დიდი ბრიტანეთის პრემიერ-მინისტრი რუსეთის ლიდერს ურჩევს, სხვა გზა აირჩიოს და უარი თქვას ბოლო წლების პოლიტიკაზე, რომელიც ყირიმის ანექსიას, უკრაინის კონფლიქტის გაღვივებასა და ევროპის ქვეყნების მთავრობებზე კიბერთავდასხმების ორგანიზებას მოიცავდა.
ტერეზა მეის განცხადებით, რუსეთი საერთაშორისო წესრიგს საფრთხეს უქმნის, როდესაც ევროპის ქვეყნებში საარჩევნო პროცესებში ერევა და დემოკრატიული ხელისუფლებების განადგურებას ცდილობს.
მისი თქმით, რუსეთმა არაერთხელ დაარღვია ევროპული ქვეყნების საჰაერო სივრცე და განხეთქილებისა და კიბერშეტევის კამპანიას მიზანმიმართულად ატარებდა.
„ვიცით რაც გინდათ, მაგრამ ამას ვერ მიაღწევთ, ვინაიდან სათანადოდ ვერ აფასებთ ჩვენი დემოკრატიის მდგრადობას“, – დასძინა მან.
კომენტარები