“თი-ბი-სი ჯგუფის” პრეზიდენტის, მამუკა ხაზარაძის განცხადებით, მოლოდინები და პანიკა ერთ-ერთი კრიტერიუმი და განმსაზღვრელი ფაქტორია არა მარტო ლარის, არამედ ნებისმიერი ვალუტის, ამიტომ პანიკას არ უნდა ავყვეთ. მანვე, მაგალითად მეზობელი თურქეთის ვალუტა დაასახელა.
“თუ გადაავლებთ თვალს ჩვენი მეზობლის, ერთ-ერთი ყველაზე მსხვილი სავაჭრო პარტნიორის ვალუტის – თურქული ლირის გაუფასურებას, საკმაოდ დრამატულად მიდის, რა თქმა უნდა, ეს აისახება ჩვენს ვალუტაზეც და წლის ბოლოს თუ დააკვირდებით, შარშანაც და წელსაც იგივე ტენდენცია იყო. ვფიქრობ, ისევ ჩამოვა ლარი თავის ნორმალურ ნიშნულზე, რაც ყოველთვის ხდება.
ამიტომ პანიკას არ უნდა ავყვეთ ხოლმე, როცა ფუნდამენტურად არაფერი ხდება, ზედმეტად შექმნილი მოლოდინები, რა თქმა უნდა, ლარს აზიანებს“, – განაცხადა მამუკა ხაზარაძემ.
კომენტარები