“ქართული მარშის” ერთ-ერთი ლიდერი ლადო სადღობელაშვილი სოციალურ ქსელში “პატრიოტთა ალიანსი”-ს მიერ, სახალხო დამცველის პოსტზე დასახელებულ კანდიდატს გიორგი ფოფხაძეს მიმართავს და ფეისბუქის საკუთარ გვერდზე პოსტს აქვეყნებს:
“მივმართავ პატრიოტთა ალიანსის მიერ დასახელებულ სახალხო დამცველის კანდიდატ გიორგი ფოფხაძეს:
– გიორგი მოგიწოდებ მეგობრულად, ნუ გააპრავებ სახელისუფლებო ანტიეროვნულ და ანტიმართმადიდებელ კანდიდატ ნინო ლომჯარიას! პროტესტის ნიშნად მოხსენი კანდიდატურა და შემოგვიერთდი აქციაზე რომელიც გაიმართება (უკვე) დღეს 17:00 საათზე სახალხო დამცველის ოფისთან და გააპროტესტე “ქართულ მარშთან” ერთად კოლექტიური ნანუაშვილები-ლომჯარიები-სოროსელები სახალხო დამცველის ინსტიტუტში!
– შენ თვითონაც იცი რომ წაგებულ ომში მიდიხარ! რის ფასად?! ამათთან სამართლიან ბრძოლას აზრი არ აქვს! ამათ ქუჩით უნდა ებრძოლო!!! ყრუს გააგონეგ ყვირილით!!!”– წერს სადღობელაშვილი.