საქართველოს სახალხო დამცველი ნინო ლომჯარია 51-ე სკოლაში მომხდარი სისხლიანი გარჩევის ფაქტზე, რის შედეგადაც ორი არასრულწლოვანი გარდაიცვალა, განცხადებას ავრცელებს.
“კიდევ ერთი ტრაგედია დაგვატყდა თავს… ვიზიარებ გარდაცვლილი არასრულწლოვნების ოჯახების მწუხარებას… უმძიმესი წუთებია ყველასთვის… ვფიქრობ, გამოძიებამ არამარტო უნდა დაადგინოს დანაშაულის ჩამდენი პირები, არამედ, უნდა მოხდეს არასრულწლოვნებში ასეთი სასტიკი ძალადობის გამომწევევი მიზეზების სიღრმისეული გააზრება, რას უნდა აკეთებდეს სკოლა, ოჯახი, საზოგადოება, სამართალდამცავი სისტემა ბავშვებში ძალადობის პრევენციისთვის. მნიშვნელოვანია მედიის როლი ამ მიზეზებთან დაკავშირებით სწორი დისკუსიის წარმართვისთვის. ასევე, განსაკუთრებული სიფრთხილეა საჭირო დანაშაულის გაშუქების დროს”, – წერს ომბუდსმენი ფეისბუქის საკუთრა გვერდზე.