რუსეთის პრეზიდენტობის ერთ-ერთმა კანდიდატმა ქსენია სობჩაკმა ალექსეი ნავალნის თავისი შტაბში მუშაობა, კერძოდ კი თავის ნდობით აღჭურვილ პირად გახდომა შესთავაზა. ამის შესახებ ჟურნალისტმა Instagram-ზე დაწერა.
სობჩაკის თქმით, ნავალნის არჩევნებზე არ დაშვება “უსამართლობა და ხელისუფლების მორიგი შეცდომაა”. მისივე თქმით, არჩევნებისთვის ბოიკოტის გამოცხადება არაეფექტური მეთოდია, რაც სერიოზულ შედეგს არ მოიტანს.
„დღეს ცენტრალურმა საარჩევნო კომისიამ ალექსეი ნავალნი საპრეზიდენტო კანდიდატად არ დაარეგისტრირა. მე ადრეც არაერთხელ მითქვამს, რომ თუ ხელისუფლება ამ გადაწყვეტილებას მიიღებდა და ნავალნის არჩევნებში მონაწილეობის საშუალებას შეუზღუდავდა, ეს მათი მორიგი დიდი შეცდომა და უსამართლობა იქნებოდა. თუმცა, ეს კიდევ ერთხელ ადასტურებს, რომ ჩვენ არ უნდა გავჩერდეთ და ამ ბრძოლაში ბოლომდე დავრჩეთ. არჩევნების ბოიკოტი გამოსავალი არ არის. არჩევნები კვლავაც რჩება რაიმეს შეცვლის ერთადერთ შესაძლებლობად. მესმის, რომ საწყენია ალექსეისთვის, მაგრამ საერთო საქმე უფრო მნიშვნელოვანია. მე ვიწვევ ოპოზიციურ ძალებს გაერთიანებისკენ. ვთავაზობ ალექსეი ნავალნის, გახდეს ჩემი ნდობით აღჭურვილი პირი“, – წერს სობჩაკი სოციალურ ქსელში.