ახალ წელს ნამდვილად კიევში შევხვდები, – ამის შესახებ საქართველოს ყოფილი პრეზიდენტი მიხეილ სააკაშვილი აცხადებს.
„დღეს, უკრაინის პრეზიდენტის ადმინისტრაციის მითითებით, საოლქო ადმინისტრაციულ სასამართლოს ჩემთვის „დაცვით მოსარგებლე პირის“ სტატუსი უნდა ჩამოერთვა, რათა ახალ წლამდე ჩემი ექსტრადირება მოესწროთ. სასამართლომ გადაწყვეტილების მიღებაზე უარი განაცხადა და სხდომა სულ მცირე 3 იანვრამდე გადადო. შესაბამისად, ახალ წელს ნამდვილად კიევში შევხვდები“, – წერს სააკაშვილი „ფეისბუქის“ საკუთარ გვერდზე.
უკრაინის საიმიგრაციო სამსახურის წინააღმდეგ მიხეილ სააკაშვილის სარჩელის არსებითი განხილვა 2018 წლის 3 იანვარს გაიმართება.
კომენტარები