წითელ ხიდზე არადეკლარირებული ოქროს ნაკეთობები აღმოაჩინეს. საბაჟო გამშვებ პუნქტში ,,წითელი ხიდი”, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, აზერბაიჯანის მოქალაქის ჰ.გ-ს კუთვნილი ხელჩანთებისა და ფიზიკური დათვალიერებისას, არადეკლარირებული ოქროს (საერთო წონა 61,83 გრ.) ნაკეთობები აღმოაჩინეს. საქონლის საერთო საბაჟო ღირებულებამ 5,432.86 ლარი შეადგინა.
საქართველოს საგადასახადო კოდექსის 289-ე მუხლის მე-10 ნაწილის შესაბამისად, კანონდამრღვევ მოქალაქეს, სანქციის სახით, ფულადი ჯარიმა, საერთო ჯამში, 5,432.86 ლარის ოდენობით შეეფარდათ.
კომენტარები