თბილისში, ბიზნესცენტრ „მოზაიკაში“ გუშინ დაშავებული ბავშვის ჯანმრთელობის მდგომარეობა სტაბილურად მძიმეა. ამის შესახებ ინგოროყვას კლინიკის ექიმმა თინათინ იმერლიშვილმა განაცხადა.
მისი თქმით, მოზარდს მრავლობითი დაზიანება აღენიშნება და ინტენსიური თერაპიის განყოფილებაში, ექიმების მუდმივი დაკვირვების ქვეშ რჩება.
„დაახლოებით ოთხი მეტრი სიმაღლიდან ვარდნის ფონზე მრავლობითი ტრავმა განვითარდა. არის წარბის ნახეთქი ჭრილობა, ყვრიმალის ძვლის მოტეხილობა, მარცხენა სხივის ძვლის მოტეხილობა და ღვიძლის ტრავმული დაზიანება. ამ ეტაპზე, მდგომარეობა სტაბილურად მძიმე რჩება.
ბოლო კვლევით დინამიკა შეცვლილი არ არის. დაზიანების შედეგად განვითარებულია ჰემატომა, რომელიც ამ ეტაპზე ზომაში მომატებული არ არის. თუმცა ტომოგრაფიის ჩატარება კიდევ იქნება საჭირო, რომ დაზიანების მიმდინარეობა დადგინდეს“, – განაცხადა თინათინ იმერლიშვილმა.