თბილისის საქალაქო სასამართლოს ყოფილი მოსამართლე თამაზ ურთმელიძე ქონებრივ დეკლარაციაში დაშვებული შეცდომის გამო საჯარო სამსახურის ბიურომ 1000 ლარით დააჯარიმა. ურთმელიძე ჯარიმას არ დაეთანხმება და საჯარო სამსახურის ბიუროს გადაწყვეტილება სასამართლოში გაასაჩივრა.
ფაქტთან დაკავშირებით მან პრესკონფერენციაზე განაცხადა, რომ სასამართლომ გაიზიარა მისი პოზიცია, რომელიც თანხვედრილია კანონპროექტის მიზნებთან და ბათილად ცნო საჯარო სამსახურის ბიუროს 2017 წლის 22 ნოემბრის #161 მიერ მიღებული განკარგულება ჩემი დაჯარიმების თაობაზე.
სსიპ საჯარო სამსახურის ბიუროს უფროსის ბრძანების საფუძველზე 2017 წლის შემოდგომიდან მიმდინარეობდა სხვადასხვა თანამდებობის პირების მიერ წარდგენილი ქონებრივი მდგომარეობის დეკლარაციის მონიტორინგი, რომელიც შერჩეული იყო დეკლარირების ერთიანი ელექტრონული სისტემის მიერ. 2017 წელს დეკლარაციების შემოწმება მოხდა ახალი წესით და დეკლარაციის შევსების და შემოწმების ახალი სტანდარტის შესახებ საზოგადოება ინფორმირებული არ იყო, რამაც გამოიწვია კიდეც ქონებრივი დეკლარაციების შევსების მოჭარბებული ხარვეზები, მაგ: საჯარო სამსახურის ბიუროს მიერ შემოწმდა საქართველოს პარლამენტის 14 წევრი და საქართველოს პარლამენტის ერთი თანამშრომელი – ჯამში 15 თანამდებობის პირი.
უარყოფითად შეფასდა 13 პირი (12 პარლამენტარი და ერთი საქართველოს პარლამენტის თანამშრომელი), სასამართლო ხელისუფლება – შემოწმდა 13 მოსამართლე. დაჯარიმდა 6. პრეზიდენტის ადმინისტრაცია – შემოწმდა 1 თანამდებობის პირი, დაჯარიმდა 1. მეც, სხვა ზემოთჩამოთვლილ თანამდებობის პირებთან ერთად მოვხვდი შესამოწმებელ დეკლარანტთა სიაში და ჩემი დეკლარაციაც, მსგავსად უმრავლესობისა შეფასდა უარყოფითად და დავჯარიმდი 1000 ლარით.
სწორედ იმიტომ, რომ დაჯარიმების დროს არ არსებობდა ჩემი უფლებების დაცვის სხვა ალტერნატიული საშუალება, გარდა სასამართლოსთვის მიმართვისა, ჩვენს მიერ მომზადდა ადმინისტრაციული სარჩელი საჯარო სამსახურის ბიუროს მიერ მიღებული განკარგულების ბათილობის მოთხოვნით.
2018 წლის 27 თებერვალს თბილისის საქალაქო სასამართლოს ადმინისტრაციულ საქმეთა კოლეგიამ დააკმაყოფილა, ჩემი ადმინისტრაციული სარჩელი საჯარო სამსახურის ბიუროს წინააღმდეგ, რომელიც ეხებოდა იმ ინდივიდუალურ ადმინისტრაციული სამართლებრივი აქტის ბათილობას, რომლითაც დავჯარიმდი 1000 ლარით ქონებრივი დეკლარაციის არასწორად შევსების გამო. მიუხედავად, იმისა, რომ მე თავიდანვე არ დავეთანხმე ჯარიმას, როგორც კანონმორჩილმა მოქალაქემ, მაინც გადავიხადე ჯარიმა. მისასალმებელია, ის ფაქტიც რომ პალამენტის იურიდიულმა კომიტეტმა უკვე მოამზადა საკანონმდებლო ცვლილებათა პაკეტი, ამ ხარვეზებთან მიმართებით.
სასამართლოც გონივრული განსჯის შედეგად მივიდა ამ გადაწყვეტილებამდე, გაიზიარა ჩვენი პოზიცია, რომელიც თანხვედრილია კანონპროექტის მიზნებთან და ბათილად ცნო საჯარო სამსახურის ბიუროს 2017 წლის 22 ნოემბრის #161 მიერ მიღებული განკარგულება ჩემი დაჯარიმების თაობაზე.