თბილისში, თემქაზე ერთ-ერთ საცხოვრებელში ახალგაზრდა კაცის ცხედარი იპოვეს. არსებული ინფორმაციით, კაცი აღნიშნულ ბინაში ქირით ცხოვრობდა.
როგორც ,,პირველს” შსს-ში განუცხადეს, პოლიცია აღნიშნულ მისამართზე ბინის მესაკუთრის მიმართვის საფუძველზე გამოცხადდა. სამართალდამცველებს საძინებელ ოთახში კაცის დამწვარი ცხედარი დახვდათ.
მომხდარის სხვა დეტალების შესახებ ინფორმაცია არ ვრცელდება.
უწყების ცნობით, გამოძიება სისხლის სამართლის კოდექსის 187-ე მუხლით დაიწყო, რაც ნივთის დაზიანებას ან განადგურებას გულისხმობს.
კომენტარები