უკრაინის კრიმინალური პოლიციიდან მიღებულ წერილში აღწერილი გარემოებები ეწინააღმდეგება იმ ინფორმაციას, რომელიც თავდაპირველად ე.წ. კანონიერ ქურდ დავით გერლიანთან დაკავშირებით გავრცელდა.
მისივე თქმით, საუბარია მედიაში გავრცელებულ კადრებზე, როგორ სვამდნენ ავტომანქანაში გერლიანს და როგორ მიყავდათ იგი აეროპორტში.
„უკრაინის კრიმინალური პოლიციის წერილის შინაარსში იკითხება, რომ დავით გერლიანი შეაჩერეს დოკუმენტის შემოწმების მიზნით. მას აღმოაჩნდა დავით ჩაჩიბაიაზე, შეცვლილ გვარზე, გაცემული უკრაინის მოქალაქის პასპორტი. ამან გამოიწვია უკრაინელი სამართალდამცველების ეჭვი დოკუმეტის ავთენტურობასთან დაკავშირებით. შემდეგ, როგორც ჩანს, კითხეს, თუ რომელს ქვეყანაში ისურვებდა წასვლას, მან აირჩია საქართველო. მისი სურვილის დაკმაყოფილებისას სამართალდამცველებმა ჩასვეს ოდესა-თბილისის რეისზე და გამოამგზავრეს საქართველში. ეს რომ ნებაყოფლობით არ ხდებოდა, ვიდეო კადრებშიც კარგად ჩანდა“, – აღნიშნა მამუკა ჭელიძემ.
მისივე თქმით, წერილში უკრაინის კრიმინალური პოლიცია ადასტურებს, რომ არ მომხდარა დეპორტაცია, რადგან დეპორტაციას თავისი სამართლებრივი პროცედურები აქვს და ვერ იქნებოდა დაცული ელემენტარული მიზეზის გამო – იმ მომენტისთვის, როცა გერლიანს საქართველში აძევებდნენ, იგი უკრაინის მოქალაქე იყო, რაც ნიშნავს, რომ უკრაინის მოქალაქე გამოაძევეს თავისივე ქვეყნიდან ისე, რომ ეჭვიც არ შეეპარათ, ვთქვათ ამ პასპორტის ავთენტურობასთან დაკავშირებით.
„წერილში წერია, რომ მათ დაიწყეს წინასაგამოძიებო მოქმედებები დოკუმენტის სიყალბის დასადგენად. გასაკვირია, რომ დოკუმენტის სიყალბის დადგენის ერთადერთი საშუალება არის ექსპერტიზა, თუმცა ეს დოკუმენტი არ ჩამოართვეს, პირიქით გამოატანეს და ამ დოკუმენტით გადმოკვეთა უკრაინის, შემდეგ კი საქართველოს საზღვარიც”, – აღნიშნა ჭელიძემ.
მისივე თქმით, რაც შეეხება ოფიციალურ შეტყობინებას გერლიანის დაკავების შესახებ, ეს გამოირიცხა, ვინაიდან ის არც გამოუძევებიათ.
“როგორც წერილში ჩანს, იგი არც დაუკავებიათ, ვინაიდან დაკავების საფუძველი არ ქონდათ. ასე რომ, ყველაფერი წინააღმდგობაში მოვიდა იმ რეალობასთან, რომელიც ოფიციალურმა საიტმა გაავრცელა”, – აღნიშნა ჭელიძემ.
როგორც ჭელიძემ აღნიშნა, საქართველოს საზღვარზე შემოსვლისას გერლიანმა გამოიყენა უკრაინის ოფიციალური სამართალდამცველების მიერ გაცემული პასპორტი, რომელიც, ჩვენი ექსპერტიზის თანახმად, არ არის გაყალბებული, რაც ნიშნვას, რომ მას საზღვრის გადმოკვეთისას არ უსარგებლია გაყალბებული პასპორტით და მათ უკრაინიდან უკრაინისვე მოქალაქე გამოაძევეს.
როგორც 2030.news-ს ჭელიძემ განუცხადა, უკრაინის კრიმინალურ პოლიციას ქართულმა მხარემ შემდეგი კითხვებით მიმართა – ინტერესის ობიექტს წარმოადგენდა ის ფაქტობრივი გარემოებები, რაც ბოლო პერიოდში მედიაში გავრცელდა, მისი დაკავების და შემდეგ საქართველოში დეპორტაციის შესახებ, რომელზეც უკრაინის ოფიციალური ორგანოები იუწყებოდნენ; რა საფუძვლით მოხდა ეს პიროვნება უკრაინაში, რა პროცესუალური თანმიმვდევრობით მოხდა მისი დაკავება და საქართველოში გამოძევება, დეპორტაციის თუ მისი შემდგომი პროცესების თანმიმდევრობა, რა იყო ამის საფუძველი, როგორ აღმოჩნდა ის საქართველოში, რატომ არ იყო ქართული მხარე ამის შესახებ ინფორმირებული.
ამასთან, მამუკა ჭელიძის განმარტებით, საქართველოში გერლიანი დაკავებულ იქნა რამდნიმე მუხლით.
“დავით გერლიანი დააკავეს საქართველოს საზღვრის უკანონო გადაკვეთის მცდელობის მომენტში, როდესაც აპირებდა სასაზღვრო-გამშვები პუნქტის გვერდის ავლით ე.წ. მწვანე ზოლის გადაკვეთას. გარდა ამისა, მას წარდგენილი აქვს 223-ე პრიმა მუხლი, რასაც გამოძიება ედავება, იმ გარემოებებს, რომელშიც მას შესაძლოა, კავშირი ჰქონოდა კრიმინალურ ქმედებებთან საქართველოში. მიუხედავად მისი მოქალაქეობის დადასტურება-არდადასტურებისა, მის მიმართ განხორციელებულ სამართალწარმოების პროცესს საქართველში ვერანაირი პროცესი ვერ შეაფერხებს”, – განაცხადა ჭელიძემ.
www.2030news