საქართველოს ნაკრებმა ევრობასკეტის შესარჩევ ეტაპზე ფინეთი 81:64 დაამარცხა. ნამატჩევს საინტერესო კომენტარი გააკეთა საქართველოს ნაკრების კაპიტანმა თორნიკე შენგელიამ:
„ფინელებს დასაკარგი არაფერი ჰქონდათ, თავიუსფლად თამაშობდნენ. დასაწყისი ცოტა ნელი გამოგვივიდა, თუმცა მეორე ტაიმში თამაში გამოვასწორეთ და დამსახურებულად გავიმარჯვეთ.
ძალიან გახარებული ვარ, ჩვენი ახალი ლეგიონერის თამაშით. კამარს დიდი გული აქვს. ყოველთვის რთულია ახალ გუნდში მისვლა. მას თამაშებამდე მხოლოდ რამდენიმე ვარჯიში ჰქონდა, მაგრამ მთავარია სურვილი, მაღალი აიქიუ გქონდეს, რომ ამ მოკლე დროში შეერწყა გუნდს. ძალიან ვაფასებთ მის მოქმედებას.
ბევრი მეკითხება, ამდენი მგზავრობით და თამაშით ვიღლები თუ არა. ბიჭებსაც ვეუბნები – დავიღალე თუ არა, ეს არაა მთავარი, მე ჩამოვდივარ სათამაშოდ და მზად ვარ სათამაშოდ. მიყვარს რასაც ვაკეთებ, ჩამოვდივარ საქმის გასაკეთებლად.“