“ისინი აგრძელებენ არაკანონიერ ბრძოლას და მივმართავ საქართველოს პროკურატურას, დროულად გამოიძიონ საქმე, რომელშიც დასტურდება ბინის ფიქტიური გადაფორმების ფაქტი. ბინძური ხერხით, კერძოდ, ბუნებრივი გაზის ჩაჭრით, ცდილობენ ჩემზე ზეწოლის მოხდენას, ვინაიდან სამართლებრივად არ აქვს შანსი შვილი გაასახლოს ბინიდან”, – ამის შესახებ ყოფილმა პროკურორმა, მილენა მითაიშვილმა imedinews-სთან საუბრისას განაცხადა. ის მისი ყოფილი მეუღლის, ძიძის და ადვოკატის პასუხისგებაში მიცემას გამოეხმაურა და განაცხადა, რომ ადვოკატი ინგა არახამია და ყოფილი ქმარი რივერა ბენდელიანი ისევ ცდილობენ მასზე ზეწოლას, რისთვისაც მოისყიდეს ძიძა ნინო ბოჭორიშვილი, რომელმაც შელახა მისი ღირსება და ყალბი ინფორმაცია მიაწოდა საზოგადოებას.
“გამოძიებამ დაადგინა როგორი უკანონო და ბინძური ხერხებით ცდილობდნენ რივერა ბენდელიანი და მისი ადვოკატი ინგა არახამია ჩემზე ზეწოლის მოხდენას, რისთვისაც მოისყიდეს ძიძა ნინო ბოჭორიშვილი, რომელმაც, ჩემი ღირსების შელახვის მიზნით, ყალბი ინფორმაცია მიაწოდა საზოგადოებას.
ინგა არახამია და რივერა ბენდელიანი კვლავ ცდილობენ ჩემზე ზეწოლის მოხდენას. რივერას ბინა, რომელშიც ვცხოვრობთ მე და ჩემი მცირეწლოვანი შვილი, ფორმალურად რივერას მამიდას მარო ბენდელიანს გადაუფორმეს. კიდევ ბინძური ხერხით, კერძოდ, ბუნებრივი გაზის ჩაჭრით ცდილობენ ჩემზე ზეწოლის მოხდენას, ვინაიდან სამართლებრივად არ აქვს შანსი, შვილი გაასახლოს ბინიდან.
ისინი აგრძელებენ არაკანონიერ ბრძოლას და მივმართავ საქართველოს პროკურატურას, დროულად გამოიძიონ საქმე, რომელშიც დასტურდება ბინის ფიქტიური გადაფორმების ფაქტი”, – თქვა მილენა მითაიშვილმა imedinews-თან.