ბათუმში მე-6 კლასის მოსწავლე დაჭრეს

ბათუმის მე-7 საჯარო სკოლის მოსწავლე ფეხის არეში დაჭრეს. მე-6 კლასის მოსწავლეს ჭრილობა, სავარაუდოდ, ცივი იარაღით მიაყენეს.
როგორც „კვირას“ სკოლის დირექტორმა შორენა ქონიაძემ განუცხადა, ინციდენტი სასწავლო პროცესის დასრულების შემდეგ მოხდა.
„სასწავლო პროცესი დასრულებული იყო და ბავშვები სახლში გავუშვით. სკოლის ეზოში მოხდა ინციდენტი, ერთ-ერთი მოსწავლე დაშავებულია და მას ფეხის არეში ჰქონდა ჭრილობა. ჩვენ გამოვიძახეთ სასწრაფო-სამედიცინო დახმარება და მოსწავლე გადაყვანილია საავადმყოფოში. მე თვითონ ვაწარმოებ მოკვლევას, რომ გავარკვიო, რა მოხდა მოსწავლეებს შორის“, – განუცხადა „კვირას“ ბათუმის მე – 7 საჯარო სკოლის დირექტორმა შორენა ქონიაძემ.
როგორც „კვირას“ შსს-ში განუცხადეს, გამოძიება სსკ-ის 118-ე მუხლით მიმდინარეობს, რაც სხეულის განზრახ დაზიანებას გულისხმობს. ამასთან, შს სამინისტროში აცხადებენ, რომ დადგენილია სავარაუდო დამნაშავე, ისიც არასრულწლოვანია.