ვენესუელის ახალგაზრდული საფეხბურთო ნაკრების ფიზიოთერაპევტს, ხესუს გუაკარანს, აფთიაქიდან გამოსვლის დროს, თავში ესროლეს. ის გარდაიცვალა. ინფორმაციას Fourfourtwo ავრცელებს.
დანაშაული 11 აპრილს, დილით მოხდა. მკვლელს გუაკარანის ნივთებისთვის ხელი არ უხლია. მან შემთხვევის ადგილი მოტოციკლეტით დატოვა.
მომხდართან დაკავშირებით, ნაკრების თავდამსხმელი სოლომონ რონდონი გუაკარანის ოჯახს Twitter-ზე უსამძიმრებს.
“ტკივილის და დაუცველობის გრძნობა მიჩნდება იმ ფაქტით, რომ ჩვენს ქვეყანაში ადამიანის სიცოცხლე არაფრად ღირს. მადლობა ყველაფრისთვის, გუაკარან. ყოველთვის მემახსოვრება ის ბედნიერება, რაც შენგან მოდიოდა. ჩემი ღრმა სამძიმარი მთელ შენს ოჯახს“, – წერს რონდონი.
ნაკრების ექიმის მკვლელობის მოტივი არ სახელდება.
კომენტარები