ბარნოვის ქუჩაზე მომხდარი მკვლელობის ფაქტზე ძებნილი ვეფხია ბაქრაძის შესახებ ახალი დეტალები ხდება ცნობილი. როგორც ირკვევა, ის დიდი ხნის წინ ძალოვან უწყებაში, კონკრეტულად კი დაცვის პოლიციაში მუშაობდა, თუმცა მისი მსახურება 2 წელიწადში ამოიწურა (1991-1992 წლები), შემდეგ კი ორჯერ გასამართლდა.
პირველ შემთხვევაში მას ბრალად დაუხმარებლობა ედებოდა. 2010 წელს ის სასამართლო დარბაზიდან გათავისუფლდა. შემდეგ კი უკვე გისოსებს მიღმა ოჯახური ძალადობის ნიადაგზე სხეულის განზრახ მძიმე დაზიანების გამო მოხვდა. საქმეში დაზარალებული ბაქრაძის მეუღლე გახლდათ. თუმცა ის არ იყო ერთადერთი – ამ ბრალდების ფარგლებში კიდევ ერთი დაზარალებული არსეობობდა, რომელსაც ბაქრაძემ მანქანა განზრახ დააჯახა.
ბოლო ინფორმაციით, გუშინ მოკლული 25 წლის გოგოს მამინაცვალმა, სასჯელაღსრულების დაწესებულება გასული წლის 25 მაისს კალენდარულად დატოვა, ანუ მაშინ, როდესაც სასჯელის ვადა ამოეწურა