NATO-ს მინისტერიალის შემდეგ, აშშ-ის სახელმწიფო მდივნის თანაშემწე ევროპისა და ევრაზიის საკითხებში აარონ მიტჩელი საქართველოს ეწვევა და NATO-საქართველოს სახალხო დიპლომატიის ფორუმზე სიტყვით გამოვა.
ამასთან, აარონ მიტჩელი საქართველოს მთავრობის წევრებს, სხვა პოლიტიკურ ლიდერებს, სამოქალაქო საზოგადოების წარმომადგენლებს შეხვდება. შეხვედრების ფარგლებში ის საქართველოს ევროატლანტიკური ინსტიტუტებისკენ მისწრაფების გზაზე აშშ-ს მხარდაჭერის შესახებ ისაუბრებს.
საქართველოში ვიზიტამდე, აშშ-ს სახელმწიფო მდივანს მაიკ პომპეოსთან ერთად, აარონ მიტჩელი დღეს, ბრიუსელში NATO-ს საგარეო საქმეთა მინისტრების მინისტერიალში მიიღებს მონაწილეობას.
ცნობისთვის, NATO-საქართველოს სახალხო დიპლომატიის ფორუმი 30 აპრილს -1 მაისს, თბილისში, სასტუმროში „რედისონ ბლუ ივერიაში“ გაიმართება.
კომენტარები