საპარლამენტო უმრავლესობის ლიდერის არჩილ თალაკვაძის განცხადებით გივი ჭიჭინაძემ ხონსა და ვანში დამაჯერებლად გაიმარჯვა.
“ჩვენი შტაბის ინფორმაციით გივი ჭიჭინაძემ დამაჯარებლად გაიმარჯვა, მისი შედეგი მნიშვნელოვნად აღემატება 50%-ს. მე მინდა მადლობა გადავუხადო ყველა ჩვენს მხარდამჭერს, ასევე მთელს საზოგადოებას, ველოდებით უკვე ხმების დათვლის ოფიციალურ შედეგებს”, – განაცხადა არჩილ თალაკვაძემ ვანში გამართულ ბრიფინგზე.
ვანისა და ხონის 54-ე საარჩევნო ოლქში საარჩევნო უბნები 20:00 საათზე დაიხურა. ამომრჩეველთა აქტივობამ 57,9 % შეადგინა.
შუალედური არჩევნების დანიშვნა მას შემდეგ გახდა საჭირო, რაც „ქართული ოცნების“ ვანისა და ხონის მაჟორიტარი გრიგოლ ლილუაშვილი საქართველოს სახელმწიფო უსაფრთხოების სამსახურის უფროსის მოადგილედ დაინიშნა.
კომენტარები