პარლამენტის ადამიანის უფლებათა დაცვის კომიტეტის თავმჯდომარის სოფო კილაძის განცხადებით, დებატების სიმწვავე დამოკიდებული იქნება პრეზდენტის მოხსენებაზე. მისი განცხადებით, პრეზიდენტის მოხსენება განაპირობებს, თუ რა კითხვები იქნება მის მიმართ.
„ეს არის დებატების ფორმატი და ჩვენი დებატები იქნება პრეზიდენტის მოხსენებიდან გამომდინარე. ძალიან დიდი იმედი მაქვს, რომ ობიექტურად დააყენებს ყველა საკითხს. პირადად ჩემი აზრი თუ გაინტრესებთ, დაველოდები რას იტყვის პრეზიდენტი თავის მოხსენებაში და რაზე გაამახვილებს ყურადღებას. ბუნებრივია, მის მიმართ არსებობს კითხვები, იგივე შეწყალებასთან დაკავშირებით, მაგრამ დაველოდები მის გამოსვლას, რადგან პირველი მან უნდა გააკეთოს მთავარი მოხსენება. თუ პრეზიდენტს ოდნავ მაინც აქვს ობიექტურობის განცდა შერჩენილი, მან აუცილებლად უნდა ისაუბროს შეწყალების თემაზე, რა თქმა უნდა, თავისი პოზიციიდან და გადმოსახედიდან. რას იტყვის ეს ცალკე თემაა, მაგრამ მე მგონია, რომ საზოგადოებას აქვს კითხვები მის მიმართ და ამას თავად უნდა გასცეს პასუხი“, – განაცხადა სოფო კილაძემ.