პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი “ნაციონალური მოძრაობის” წევრის, ნიკანორ მელიას განცხადებას ეხმაურება.
როგორც მინისტრმა “პირველის” ჟურნალისტ განუცხადა, ნიკანორ მელია ერთი ჩვეულებრივი კრიმინალია, რომელზეც სისხლის სამართლის საქმეა აღძრული და მან თვალებში პროკურორს უნდა ჩახედოს.
„ჩემი გადმოსახედიდან, ნიკანორ მელია ერთი ჩვეულებრივი კრიმინალია, რომელზეც სისხლის სამართლის საქმეა აღძრული და მან თვალებში პროკურორს უნდა ჩახედოს.
პოლიტიკური თვალსაზრისით, ეს არის უარყოფითი და პოლიტიკური პერსონა, რომელსაც ჭირდება შოუს დადგმა და ამ შოუს დადგმაში, მე მას, რა თქმა უნდა, არ დავეხმარები. „ნაციონალური მოძრაობა“ და ნიკანორ მელია გულზე სკდება იმიტომ, რომ ჩვენმი ქვეყანა ვითარდება – მარტის თვეში გვაქვს 5.6 პროცენტიანი ეკონომიკური ზრდა და შესაბამისად, ყველაფერს აკეთებენ იმისთვის, რომ გადაფარონ ეს პოზიტიური მოვლენა
მე გუშინ ტელევიზიიდან შევიტყვე იმ ტენდერის შესახებ, რომელზეც იყო საუბარი. ეს ტენდერი, მიღებული ინფორმაციით, ჩატარებულია სრულიად გამჭვირვალე, ელექტრონული წესით, კონკურენტულ გარემოში და ისეთმა კომპანიამ, რომელმაც მიიღო მონაწილეობა ამ ტენდერში, დაიმსახურა გამარჯვება იმიტომ, რომ დადო დაბალი ფასი და დააკმაყოფილა ყველა მოთხოვნა, რომელიც ტენდერის პირობებში იყო გათვალისწინებული. აქვე ავღნიშნავ, რომ ეს კომპანია საქმიანობდა მანამდე, სანამ მე მოვედი პოლიტიკაში და აბსოლუტურად წარმატებით გააგრძელებს საქმიანობას მას მერეც, რაც მე პოლიტიკიდან წავალ“- განაცხადა ქუმსიშვილმა.
როგორც გუშინ ნიკანორ მელიამ “ტვ პირველის ” ეთერში განაცხადა: გამოაცხადეს რაღაცა, მილიონ ლარამდე ტენდერი… და ვინ მოიგო ეს ტენდერი, რომელიც უკონკურენციო იყო, ანუ არ ყავდა კონკურენტი, დახურული ტენდერი?.. ქუმსიშვილის ოჯახის წევრმა, ქუმსიშვილის მეუღლის ბიძაშვილმა”
