იუსტიციის მინისტრი თეა წულუკიანი მადლობას უხდის სამართალდამცველებს.
მისი თქმით, სამართალდამცველებს, რომლებიც შეურაცხყოფის ნიაღვარშიც მოხვდნენ, ხმამაღალი მადლობა ეკუთვნით.
„მე მინდა მადლობა გადავუხადო თითოეულ იმ სამართალდამცველს, რომელიც მოცემულ ღამეს მუშაობდა, რომელიც შემდგომ აქციას იცავდა კონტრაქციისგან. მათ ეკუთვნით ხმამაღალი მადლობა და მე მინდა, ამ ქვეყნის მოქალაქემ ვუთხრა მადლობა.
პოლიციელიც ადამიანია, სამართალდამცავიც ადამიანია და მინისტრიც ადამიანია. ამიტომ, არ გამოვრიცხავ ამ აუარებელ ნიაღვარსა და შეურაცხყოფის ტალღაში, რომელიც პოლიციელმა ორი დღის და მეტი დროის განმავლობაში ითმინა და დღეს ისევ დგას პოსტზე, შეიძლება თქვას, რომ მას აქვს შეურაცხყოფის განცდა. მე მინდა, გავამხნევო ისინი და ვუთხრა, რომ ჩვენც, მთავრობაც მოვყევით ამ ნიაღვარში. მე პირადად, ქუჩაში არ გამოვსულვარ, ამის უფლებას ჩემს თავს არ მივცემდი, მაგრამ ვუსმენდი, როგორ ეძახა ბატონმა ბექა წიქარიშვილმა მთავრობის წევრებს ძალაუფლებაზე შეყვარებული ბუშები, ოღონდ სხვა სიტყვით. აქ ჯორჯს და ბარბარას არ გულისხმობდა, მაგრამ ამაზე პასუხი არ უნდა იყოს ძალადობა, პირიქით, ამაზე პასუხი უნდა იყოს დიალოგი“, – განაცხადა იუსტიციის მინისტრმა.