საქართველოს პრეზიდენტი გიორგი მარგველაშვილი ტეხასის შტატის სკოლაში მომხდარ სროლას ეხმაურება და აშშ-ს ხელისუფლებას უსამძიმრებს. შესაბამისი განცხადება მარგველაშვილმა „ტვიტერის“ საკუთარ გვერდზე გამოაქვეყნა.
„ვუსამძიმრებთ ყველას, ვინც ტეხასში, სანტა ფეს სკოლაში ტრაგიკულ მოვლენებს ემსხვერპლა. თანადგომას და სოლიდარობას ვუცხადებთ აშშ-ს მთავრობასა და ამერიკელ ხალხს“, – წერს მარგველაშვილი.
გუშინ ტეხასის შტატის ქალაქ სანტა ფეს სკოლაში სროლის შედეგად 10 ადამიანი დაიღუპა და 10 დაშავდა. პოლიციამ მსროლელის იდენტიფიცირება შეძლო, ის 17 წლის დიმიტრიოს პაგურცისია.
კომენტარები