სპორტისა და ახალგაზრდულ საქმეთა კომიტეტის თავმჯდომარის პირველი მოადგილე შოთა ხაბარელი ძიუდოს ფედერაციის გარშემო მიმდინარე მოვლენებს ეხმიანება.
“სპორტსმენებს მყარი არგუმენტები აქვთ და მეც ვფიქრობ, ეს არგუმენტები არის იმის საფუძველი, რომ ძიუდოს ფედერაციის პრეზიდენტი უნდა გადადგეს. ქევხიშვილმა დაუშვა მიზანმიმართული შეცდომა, როდესაც ევროპაში აღიარებული მწვრთნელები გადააყენა და მოიყვანა მისი მეგობრები. ბიჭები დიდი ხანია ვეღარ ვარჯიშობენ, რაც ძალიან დიდი პრობლემაა ამ სპორტისთვის. სულ რაღაც სექტემბრის თვეში მსოფლიო ჩემპიონატი იმართება ბაქოში და ასევე იწყება ოლიმპიური თამაშების ლიცენზია. ეს საკითხი რაც შეიძლება სწრაფად უნდა გადაწყდეს და საკითხს საღი აზრით უნდა მიუდგეს ფედერაციის პრეზიდენტიც იმიტომ, რომ ის არის ერთი, აქეთ კი ნაკრებია”, – განაცხადა შოთა ხაბარელმა.