დამოუკიდებლობის დღის აღსანიშნავად აეროპორტებში მგზავრებს ბრენდირებული ღვინოები და ტკბილეული დაურიგდებათ

ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანების“ ცნობით, საქართველოს ყველა საერთაშორისო თუ ადგილობრივი აეროპორტი დამოუკიდებლობის 100 წლის იუბილის აღსანიშნავად მზად არის.
ასი წლის იუბილისადმი მიძღვნილი თემატიკით გააფორმეს ქუთაისის დავით აღმაშენებლის სახელობის აეროპორტი.
,,საქართველოს ყველა აეროპორტის ბრენდირება დასრულებულია. ხვალინდელ დღეს, სხვა აეროპორტების მსგავსად ქუთაისის დავით აღმაშენებლის საერთაშორისო აეროპორტიც ღირსეულად შეხვდება. თბილისის, ბათუმისა და ქუთაისის საერთაშორისო აეროპორტებში ხვალ გამფრენ და ჩამომფრენ მგზავრებს დამოუკიდებლობის დღის აღსანიშნავად ბრენდირებული ღვინოები და ტკბილეული დაურიგდებათ“,-განაცხადა ,,საქართველოს აეროპორტების გაერთიანების“ დირექტორმა ქეთევან ალექსიძემ.
საქართველოს დამოუკიდებლობის დღე – 26 მაისს დამოუკიდებლობის აღდგენის 100 წლისთავის თემატიკით დატვირთული სხვადასხვა სახის ღონისძიებით აღინიშნება.