პარტია ქართული ოცნების ცენტრალურ ოფისში, სამთავრობო ცვლილებებთან დაკავშირებით პრემიერმინისტრ მამუკა ბახტაძესა და უმრავლესობას შორის კონსულტაცია მიმდინარეობს.
შესაძლოა დღესვე გაირკვეს, რომელი სამინისტროების გაერთიანება იგეგმება და როგრო დალაგდება ახალი სამთავრობო სტრუქტურა.
შეხვედრის დაწყებამდე დეპუტატთან ნაწილი აცხადებდა, რომ მათ აინტერესებთ სამინისტროების შერწმყის შედეგად გათავისუფლდებიან თუ არა თანამშრომლები.
პარლამენტის ვიცესპიკერი თამარ ჩუგოშვილი აცხადებს, რომ შეხვედრას ბიძინა ივანიშვილი არ ესწრება.
“ამ კონსულტაციების პროცესში განვიხილავთ რა ფორმით იქნება ყველაზე ეფექტური და სწორი სხვადასხვა უწყების ოპტიმიზაცია. დისკუსიის დასრულების შემდეგ გაკეთდება განცხადება, რომელი სამინისტროების გაერთიანებაზე არის საუბარი. დღევანდელ შეხვედრაზე არ მიმდინარეობს სახელებზე და კანდიდატებზე საუბარი, ეს შეხვედრა ემსახურება მხოლოდ და მხოლოდ იმის განხილვას, სტრუქტურულად სწორი როგორ იქნება სამინისტროების ჩამოყალიბება”,- განაცხადა თამარ ჩუგოშვილმა.
ვიცესპიკერმა ასევე თქვა, რომ ერთ-ერთი მთავარი პრობლემა მთავრობისა და პარლამენტის კოორდინაცია იყო და დღევანდელი შეხვედრა იმის მაგალითია, რომ ამ მიმართულებით განსხვავებული ნაბიჯები იდგმება.