საქართველოს იუსტიციის სამინისტრო თეა წულუკიანის შვებულებაში ყოფნასთან დაკავშირებით განცხადებას ავრცელებს. უწყების ცნობით, მინისტრი პრემიერთან შეთანხმებით იმყოფება შვებულებაში შვილთან და მეუღლესთან ერთად.
“ბოლო დღეებში მედიის წარმომადგენლების მიერ დასმული მრავალი კითხვის პასუხად, საქართველოს იუსტიციის სამინისტრო კიდევ ერთხელ ადასტურებს, რომ საქართველოს პრემიერ-მინისტრ მამუკა ბახტაძესთან შეთანხმებით, იუსტიციის მინისტრი თეა წულუკიანი იმყოფება შვებულებაში შვილთან და მეუღლესთან ერთად და სამინისტროს დაუბრუნდება 9 ივლისს.
მოცემული შვებულება ჯერ კიდევ რამდენიმე თვის წინ იქნა შეთანხმებული პრემიერ-მინისტრ გიორგი კვირიკაშვილთან მინისტრის ივლის-აგვისტოს დატვირთული გრაფიკიდან გამომდინარე.
შვებულების შემდგომ პირველ სამუშაო დღეს, 9 ივლისს, 14:00 საათზე, მინისტრი გახსნის საზოგადოებრივ ცენტრს ახალციხის მუნიციპალიტეტის სოფელ აწყურში“, – ნათქვამია განცხადებაში.