საპარლამენტო უმრავლესობის წევრი ანრი ოხანაშვილი აჭარის მთავრობის თავმჯდომარის, ზურაბ პატარაძის თანამდებობის დატოვების ფაქტს გამოეხმაურა. როგორც მან განმარტა, თავმჯდომარემ თანამდებობა საკუთარი გადაწყვეტილებით დატოვა.
„ბატონმა ზურამ თანამდებობა საკუთარი გადაწყვეტილებით დატოვა. ის, რომ ცვლილებები ხორციელდება, არის ნორმალური პროცესი. ბატონი ზურა იყო და რჩება ჩვენი გუნდის წევრად. შესაბამისად, მე დარწმუნებული ვარ, რომ მის მომავალ საქმიანობაში ის ისეთივე აქტიური და ისეთივე წარმატებული იქნება, როგორც ამ პოზიციაზე. მე მას წარმატებებს ვუსურვებ“ – განაცხადა ანრი ოხანაშვილმა.
შეგახსენებთ, რომ აჭარის ავტონომიური რესპუბლიკის მთავრობის თავმჯდომარემ, ზურაბ პატარაძემ თანამდებობა დატოვა. ამის შესახებ მან დღეს საგანგებოდ გამართულ ბრიფინგზე განაცხადა.
კომენტარები