უმრავლესობის წევრი დიმიტრი ხუნდაძე პარლამენტის ყოფილი თავმჯდომარის დავით უსუფაშვილისა და პრეზიდენტ გიორგი მარგველაშვილის შესაძლო გაერთიანებას სკეპტიკურად უყურებს და აცხადებს, რომ მსგავს გაერთიანებას პერსპექტივა არ ექნება.
”უსუფაშვილი გამოცდილი პოლიტიკოსია, მას პატივს ვცემ და მის პოლიტიკურ საქმიანობას ვაღიარებ, რადგან პარლამენტის კარგი თავმჯდომარე იყო, მაგრამ მარგველაშვილთან მის პოლიტიკურ გაერთიანებას სკეპტიკურად ვუყურებ. ჩემი სკეპტიციზმი უფრო მარგველაშვილის მიმართულებითაა, რომელიც დღემდე ვერ გაერკვა, რომელ პოლიტიკურ თამაშს თამაშობს და საკუთარ კარიერას რომელ პოლიტიკურ გაერთიანებასთან ანვითარებს. შეიძლება, უსუფაშვილს დამოუკიდებლად უფრო მეტი საშუალება და შედეგი ჰქონდეს, ვიდრე არაღირებულებითი გაერთიანების ფონზე”, – განაცხადა ხუნდაძემ.
კომენტარები