თავისუფალ ჭიდაობაში პირველი ქართველი მსოფლიო ჩემპიონი ვახტანგ ბალავაძე დღეს, 91 წლის ასაკში გარდაიცვალა. ინფორმაციას ამის შესახებ 1tv ავრცელებს.
ვახტანგ ბალავაძე პირველად ჩემპიონი 1954 წელს ტოკიოში გახდა, სამი წლის შემდეგ კი მსოფლიო ჩემპიონის ტიტულს სტამბოლში მეორედ დაეუფლა .
ვახტანგ ბალავაძე იყო მსოფლიო ჩემპიონატის ვერცხლის (თეირანი, 1959) და ოლიმპიური თამაშების (მელბურნი, 1956) ბრინჯაოს პრიზიორი. ბუქარესტის ახალგაზრდობის 1-ლი მსოფლიო ფესტივალის (1953) ჩემპიონი. ბუდაპეშტის (1954), სტოკჰოლმის (1954), გეტებორგის (1954), ესკალსტუნის (შვედეთი, 1954), თეირანის (1957), თავრიზის (1957), ტოლედოს (აშშ- 1958) საერთაშორისო ტურნირებში გამარჯვებული.
ჭიდაობის განვითარებაში შეტანილი განსაკუთრებული წვლილისთვის ვახტანგ ბალავაძე 1997 წელს დაჯილდოვდა ჭიდაობის საერთაშორისო ფედერაციის FILA–ს ოქროს ორდენით.