შს სამინისტრომ მწვერვალ უშბაზე ორი ადამიანის ჩონჩხის აღმოჩენის ფაქტზე გამოძიება დაიწყო.
როგორც „კვირას“ შს სამინისტროში განუცხადეს, გამოძიება სსკ-ის 116 -ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
მწვერვალ უშბაზე 2 ადამიანის ჩონჩხი უცხოელმა ალპინისტებმა აღმოაჩინეს – ამის შესახებ ინფორმაცია ქართულ მედიაში დღეს გავრცელდა.
აღნიშნულ ინფორმაციას, მესტიის მუნიციპალიტეტის მერიის ეკონომიკისა და ტურიზმის განვითარების სამსახურის უფროსი დავით რატიანი ადასტურებს.
მისივე თქმით, გარდაცვლილების ნეშტი ჯერ არ ჩამოუსვენებიათ.
საგანგებო სიტუაციების მართვის სამსახურში ამბობენ, რომ სავარაუდოდ, ისინი წლების წინ დაიკარგნენ.
კომენტარები