ანაკლიის სანაპიროზე მიმდინარე ფესტივალის მონაწილე ორი ახალგაზრდა ინტოქსიკაციით ზუგდიდის საავადმყოფოში გადაიყვანეს. ჯერჯერობით მედიკოსები ინტოქსიკაციის ზუსტ სახეობას ვერ ასახელებენ.
ფესტივალის დამფუძნებელმა, გრანკო კოსტადინოვმა ოფიციალური განცხადება გააკეთა და თქვა, რომ საფესტივალო ქალაქში უსაფრთხოება მაღალ დონეზეა. დღეიდან ყურადღება კიდევ უფრო გაძლიერდება, რომ იმ შემთხვევაში, თუ რომელიმე მონაწილე ფესტივალის ტერიტორიაზე შეუძლოდ გახდება, მაქსიმალურად დროულად აღმოუჩინონ პირველადი დახმარება.
დღეს, ფესტივალის მონაწილე ახალგაზრდა ბიჭი გარდაიცვალა. როგორც ცნობილია, გარდაცვლილი სამტრედიიდან იყო.
შსს-ში ახალგაზრდის გარდაცვალების ფაქტს ადასტურებენ და აცხადებენ, რომ მომხდარზე გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
გარდაცვალების მიზეზის დასადგენად შესაბამისი ექსპერტიზაა დანიშნული.
24 აგვისტოს ანაკლიაში მუსიკალური ფესტივალი Echowaves-ი გაიხსნა.