ადვოკატი – წარმოუდგენელია, ერთმა ადამიანმა მოკლას მამაკაცი, ბავშვი, ქალს სდიოს, გააუპატიუროს და გაგუდოს

სმიტების ოჯახის წევრების მკვლელობის ბრალდებით დაკავებული მალხაზ კობაურის ადვოკატები მცხეთის რაიონული სასამართლოს გადაწყვეტილების გასაჩივრებას აპირებენ.
დაცვის მხარე კობაურისთვის აღკვეთის ღონისძიების შეცვლას ითხოვდნენ.
„გადაწყვეტილებას გავასაჩივრებთ. იმედი მაქვს, სააპელაციო სასამართლო უფრო სამართალშემოქმედებითად მიუდგება აღნიშნულ საკითხს და მეტად გაამახვილებს იმ ფაქტობრივ გარემოებებზე ყურადღებას, რაზეც დაცვის მხარე საუბრობს. შერაცხადობაზე ექსპერტიზის დასკვნას ვეთანხმებით, რადგან ფაქტობრივად, წარმოუდგენელია ერთმა ადამიანმა მოკლას მამაკაცი, შემდეგ მოკლას ბავშვი, ქალს სდიოს კილომეტრნახევარი, გააუპატიუროს და გაგუდოს. ეს წარმოუდგენელია, რაც არ უნდა მანიაკალურ ინსტიქტებთან გვქონდეს საქმე. სპერმის ექსპერტიზასთან დაკავშირებით კი, მთელი რიგი უზუსტობებია. ამას მოწმობს ისიც, რომ ექსპერტიზის მიხედვით, რაიან სმიტის სხეულში იყო მისივე სპერმა, რაც დაუჯერებელია. ჩატარდება ექსპერტიზა და დადასტურდება, რომ კობაურის სპერმა არ არის მოხვედრილი ლორა სმიტის სხეულში”,-აცხადებს ადვოკატი.