ეს არის პოლიტიკური დევნა- განაცხადა “საქართველოს ეროვნული ერთობის” წევრმა გიორგი ჭელიძემ სასამართლო პროცესზე, სადაც მოსამართლე მისთვის აღკვეთის ღონისძიების შეფარდების საკითხზე მსჯელობს. ჭელიძე ამბობს, რომ მასზე ზეწოლა სამართალდამცველებმა მას შემდეგ დაიწყეს, რაც მან “ბიბისის” ჟურნალისტს ინტერვიუ მისცა.
“მას შემდეგ, რაც ორგანიზაცია შეიქმნა, რომელშიც მხოლოდ ქართული ღირებულებებია გამოხატული, მას შემდეგ დაიწყო ჩემზე ზეწოლა. ეს არ არის პირველი შევიწროება. სამართალდამცველების მხრიდან მომხდარა ჩემი ცემა. ტვინის შერყევა მქონდა. “ბიბისისთან” ჩაწერის გამო, მე და ჩემი საცოლე დაგვაპატიმრეს. როცა დავასრულეთ, მაშინ მოხდა ჩემი დაპატიმრება და ამბობდნენ, თითქოს წინააღმდეგობა გავუწიე სამართალდამცველებს. შემდეგ გამამართლა სასამართლომ. როდესაც არაფერი გამოუვიდათ და ნახეს, რომ კანონთან მართალი ვარ, მოხდა ის, რაც მოხდა. 10 ვაზნა შევიძინე ამ იარღთან ერთად და ის გავისროლე კოჯრის ტყეში. რაც გაფორმებულია. თუ ეს ვაზნები, რომლების უკანონო შენახვასაც მედავებიან, არ იყიდება, როგორ შევიძენდი?! ეს არის პოლიტიკური დევნა. პირდაპირ ამბობს “ბიბისის” ჟურნალისტი თავის სიუჟეტში, რომ ჩემი ნახვა უნდოდა და დაპატიმრებული ვიყავი და იმიტომ ვერ მნახა. ამან უკვე გაჟონა საზღვარგარეთ. თუ მაღაზიაში იყიდება არაკანონიერი ტყვიები, ესეც ჩემი ბრალი ხომ არაა?! თეთრი ძაფითაა ნაკერი ეს ყველაფერი”, – განაცხადა სასამართლო პროცესზე გიორგი ჭელიძემ.
ჭელიძეს ბრალად ცეცხლსასროლი იარაღის და საბრძოლო მასალის მართლსაწინააღმდეგოდ შეძენა-შენახვა-ტარება ედება.